Teror SMS Nyolowadi

“Ono opo, ono opo, nðók. Kok sajaké ono séng tok wedèni”
“Enggéh Ki Gdé, onten séng marahi kulo ajréh”
“Opo ?”
“Kulo diteror tiyang”
“Diganggu piyé ?”
“Pijer kirém SMS teng HP kulo”

“Ngancam, po ?”
“Mboten. Pijer takon : kowé ngerti carané kelonan karo bojomu ora, to ?”
“Wah. Kurang ajar kuwi”
“Lha mulakno niku. Mboten kulo wangsuli.”
“Njók piyé ?”
“Kirém SMS terós, jé. Saben dinten ! ”

“Wah. Wong rodo pengóng kuwi. Ndrawasi.”
“Enggéh. Pripón niki ...... “
“Wés konðo bojomu duróng ?”
“Empón. Lha niku bojo kulo ngentosi teng njawi”
“Wés dilapórké polisi ?”
“Mboten onten polisi teng ndéso kulo, jé. Kulo ajréh nèk dicegat teng ndalan pripón ?”
“Nèk ngono mengko angger pas SMS wangsulono nèk kowé dikawal Warok Surogali”

Lagi ngono .... thit ... thit .... thit .... ono SMS mlebu

“Lha niki ! SMSé mlebet maléh”
“Kéné ndeleng tak wacané”
“Nggo ...... “
“Wah iyo. Iki uniné : kowé ngerti carané kelonan karo bojomu ora, to ?”
“Enggéh to ?”
“Ho’oh. Tak wangsulané, yo ?”
“Nggéh ..... “

Ki Gdé kirém sms : “Nèk kowé arep kurang ajar, langkahono layoné Warok Surogali ðisék”
SMS mlebu manèh “ Aku ora niat kurang ajar “

“Kok kirém SMS koyo ngono ?”
“Kowé ngerti carané kelonan karo bojomu ora, to ?”
“Kok pijer takon kuwi, to ?“
“Pokoké, pitakonku wangsulono ðisék”

“Nèk biso piyé ?”
“Nèk pancèn biso, maremno bojomu”
“Hus ! Ojo ngurusi bebojoané wong liyo”
“Nyatané bojomu ora marem, kok ?”
“Ngertimu seko ngendi ?”

“Kok iséh njalók kelon bojoku ?”

Tutuge